Abşeron Rayon Məhkəməsində qəsdən sağlamlığa yüngül zərər vurmada təqsirləndirilən Ladiq Həsənovun (adı, soyadı şərtidir) cinayət işi üzrə məhkəmə istintaqı yekunlaşıb.
Pravda.az-ın əldə etdiyi məlumata görə, sonuncu keçirilən prosesdə hökm oxunub.
Məhkəmənin hökmü ilə icraat materialına xitam verilib və o, cinayət məsuliyyətindən azad edilib.
İttihama görə, Ladiq Həsənov bu il gecə saat 00:30 radələrində Abşeron rayonu ərazisində yerləşən mənzildə qeyri-rəsmi ər-arvad münasibətində olduğu zərərçəkmiş Nailə Məmmədova (adı, soyadı şərtidir) ilə mübahisə edib.
Mübahisəyə qadının işləmək istəməsi ilə bağlı təqsirləndirilən şəxsin buna etiraz etməsi səbəb olub.
Tərəflər arasında yaranmış fikir ayrılığı qısqanclıq və şəxsi münasibətlər zəminində qarşılıqlı narazılığa çevrilib. Mübahisə zamanı Ladiq Nailəyə qarşı fiziki zor tətbiq edib.
Belə ki, o, əvvəlcə qadının sifət nahiyəsinə əli ilə, yəni sillə ilə zərbə endirib. Daha sonra onun boğazından əlləri ilə tutaraq divara sıxıb.