Rəqqas Arsen Aqamalyan “Azerbaijan Dance Festival 2026” beynəlxalq rəqs festivalından təsirləndiyini açıqlayıb.
Festivalda iştirak etmiş rəqqas təəssüratlarını sosial şəbəkə hesabında paylaşıb.
“Bu günlər həyatımın sonuna qədər xatırlayacağım günlər oldu. Dəvətə görə təşəkkür edirəm. Qonaqpərvərliyinizə görə sizə həqiqətən minnətdaram. Bu festival fərqli düşüncəyə malik, müxtəlif nəsilləri təmsil edən iki insanın necə ortaq məxrəcə gələ və möcüzə yarada biləcəyinin nümunəsidir.
Təbii ki, bu səfər mənim üçün xüsusi əhəmiyyət daşıyırdı. Uşaqlıqda həyətimizdə birlikdə oynadığım qonşularla görüşü heç vaxt unutmayacağam. Böyüdüyüm həyətdə yenidən olmaq mənim üçün çox təsirli idi.
Bu səfəri heç vaxt unutmayacağam. Bakı öz zəngin tarixi və memarlığı ilə möhtəşəm, inanılmaz dərəcədə gözəl şəhərdir. Bizə bu şəhərin tarixindən danışdılar. Burada nə qədər fərqli milli və dini kimliyə malik insan yaşayır”, - o qeyd edib.


