Məzmuna keç
Azərbaycan bayrağı Pravda.az — xəbər portalı
Hadisə

Narkotikin təsiri altında avtoxuliqanlıq edən sürücü həbs olundu

Paylaş:
Narkotikin təsiri altında avtoxuliqanlıq edən sürücü həbs olundu
Bizi Google News-da izləyin

Yol hərəkəti qaydalarını kobud şəkildə pozaraq avtoxuliqanlıq edən, digər hərəkət iştirakçılarının həyat və sağlamlığına real təhlükə yaradan "QAZ 3110" markalı, 99-NE-294 dövlət qeydiyyat nişanlı nəqliyyat vasitəsinin sürücüsü Nəcəf Mehdiyev Bakı Şəhər Baş Polis İdarəsinin Dövlət Yol Polisi İdarəsinin (DYP) əməkdaşları tərəfindən saxlanılıb.

Bu barədə DYP İdarəsi məlumat yayıb.

İlkin araşdırma zamanı hərəkətləri şübhə doğurduğundan sürücü tibbi müayinədən keçirilib.

N.Mehdiyevin narkotik vasitə qəbul etməsi müəyyən olunub.

Onun barəsində İnzibati Xətalar Məcəlləsinin müvafiq maddələrinə əsasən protokol tərtib edilərək baxılması üçün aidiyyəti üzrə məhkəməyə göndərilib.

Məhkəmənin qərarı ilə nəqliyyat vasitəsini idarəetmə hüququ 1 il müddətinə məhdudlaşdırılmaqla N.Mehdiyev 45 sutka inzibati qaydada həbs edilib.

Paylaş:

Ən son xəbərlər