Məzmuna keç
Azərbaycan bayrağı Pravda.az — xəbər portalı
Sosial

Nənəsinin evindən oğurluq edən şəxsə hökm oxundu 

Paylaş:
Nənəsinin evindən oğurluq edən şəxsə hökm oxundu
Bizi Google News-da izləyin

Gəncə Ağır Cinayətlər Məhkəməsində oğurluqda təqsirləndirilən Ayxan Qasımovun (soyadı şərtidir) cinayət işi üzrə məhkəmə prosesi başa çatıb.

Pravda.az-ın əldə etdiyi məlumata görə, sonuncu keçirilən prosesdə hökm oxunub.

Məhkəmənin hökmü ilə o, 4 il 5 ay 10 gün müddətinə azadlıqdan məhrum edilib.

İttiham aktına görə, Ayxan Qasımov təkrarən özgənin əmlakını gizli yolla talamaqla Gəncə şəhərində bir neçə oğurluq hadisəsi törədib. Onun əməlləri nəticəsində zərərçəkmiş şəxslərə ümumilikdə 98 842 manat məbləğində maddi ziyan dəyib.

İstintaq materiallarında qeyd olunur ki, Ayxan Qasımov ilk oğurluq hadisəsini nənəsi Sədaqət Cəlalinin Türkiyə Respublikasına getməsindən istifadə edərək törədib.

Belə ki, təqsirləndirilən şəxs nənəsinin Türkiyəyə getdiyini və onun Gəncə şəhəri, Nəriman Nərimanov prospektində yerləşən yaşayış evində heç kimin olmadığını bildikdən sonra özündə olan açarla evə daxil olub.

O, 2023-cü il iyulun 17-dən avqustun 17-dək olan müddətdə dəqiq müəyyən edilməyən tarixlərdə evin içərisindəki əmlakı gizli şəkildə talayıb. Bu yolla Ayxan Qasımov vahid niyyətlə hərəkət edərək nənəsinə ümumilikdə 85 242 manat məbləğində külli miqdarda maddi ziyan vurub.

Ayxan Qasımov bundan sonra da oğurluq əməllərini davam etdirib.

İttihamda göstərilir ki, o, 2023-cü ildə başqa bir zərərçəkmiş şəxsə məxsus fərdi yaşayış evinin həyətinə daxil olub. Daha sonra evin şüşəsini sındıraraq qanunsuz şəkildə içəri keçib.

Təqsirləndirilən şəxs evdən bir ədəd, 65 düym diaqonallı “Sony” markalı televizoru və bir ədəd “Sony” markalı mikrodalğalı sobanı gizli şəkildə götürüb.

Beləliklə, Ayxan Qasımov həmin oğurluq nəticəsində zərərçəkmiş şəxsə ümumilikdə 5 000 manat məbləğində maddi ziyan vurub.

Təqsirləndirilən şəxsin növbəti oğurluq hadisəsi isə yenidən nənəsinin əmlakı ilə bağlı olub.

Belə ki, Ayxan Qasımov nənəsi S.Cəlali ilə eyni evdə yaşamasından istifadə edərək 2024-cü ildə sonuncuya məxsus çantadan pul və qızıl-zinət əşyalarını gizli şəkildə götürüb. O, çantadan 7 600 manat dəyərində, 80 qram çəkidə, 583 əyarlı, Rusiya Federasiyası istehsalı olan bir ədəd boyunbağını, üzərindəki 2 qram çəkidə klonla birlikdə, eləcə də 1 000 manat nağd pulu oğurlayıb.

Nəticədə S.Cəlaliyə ümumilikdə 8 600 manat məbləğində maddi ziyan dəyib.

Məhkəmədə Ayxan Qasımov ona Cinayət Məcəlləsinin 177.3.2-ci maddəsi ilə elan olunmuş ittiham üzrə özünü qismən təqsirli bildiyini deyib.


Kamal Məmmədov

Paylaş:

Ən son xəbərlər