Külli miqdarda pul verib mənzil aldılar, lakin məznilin onlarla bərabər bir neçə şəxsə satıldığını öyrəndilər...
Bu iddia ilə paytaxt sakini Əzizağa Quluzadə və bir neçə zərərçəkən "Xəzər Xəbər"ə müraciət edib.
Şikayətçilərin iddiasına görə, paytaxtın Yasamal rayonu, Abbas Mirzə Şərifzadə küçəsi 33 ünvanında yerləşən "İnşaat Konstruksiyaları" MMC-yə məxsus binada eyni mənzillər bir neçə nəfərə satılıb. Əzizağa Quluzadə iddia edir ki, 2024-cü ildə aldığı mənzil qanunsuz olaraq şirkətin təsisçisi Rauf Əliyev tərəfindən başqa şəxsə satılıb, qapısı dəyişdirilib, onun mənzilinin sənədlərinin isə saxta olduğu bildirilib.