Xurma həm dadı, həm də qida dəyəri ilə sevilən meyvələrdəndir. Palma fəsiləsinə aid olan xurma ağacı əsasən isti və quraq iqlimlərdə yetişir. Yaxın Şərq, Şimali Afrika və Cənubi Asiya ölkələrində geniş yayılıb. Ağacın hündürlüyü 15-25 metrə çata, ömrü isə əlverişli şəraitdə uzun illər davam edə bilər.
Pravda.az bildirir ki, xurma ağaclarının ən çox yayıldığı ölkələr arasında Səudiyyə Ərəbistanı, Birləşmiş Ərəb Əmirlikləri, İran, İraq, Misir, Mərakeş, Əlcəzair, Pakistan və Sudan var.
Xurma ağacını necə yetişdirmək olar?
Xurma ağacını həm tingdən, həm də meyvəsinin çəyirdəyindən yetişdirmək mümkündür. Çəyirdək əvvəlcə bir neçə gün suda saxlanılır, daha sonra isti və rütubətli mühitdə cücərməsi gözlənilir. Cücərən toxum yaxşı drenajı olan torpağa əkilir. Bitkinin inkişafı üçün bol günəş işığı və isti hava vacibdir.