Məzmuna keç
Azərbaycan bayrağı Pravda.az — xəbər portalı
İqtisadiyyat

"Yapı Kredi Bank Azərbaycan”ın aktivləri böyüyür, maliyyələşmə xərcləri artır

Paylaş:
"Yapı Kredi Bank Azərbaycan”ın aktivləri böyüyür, maliyyələşmə xərcləri artır
Bizi Google News-da izləyin

“Yapı Kredi Bank Azərbaycan” 2026-cı ilin ilk 9 ayında aktivlərini və kredit portfelini genişləndirsə də, bankın maliyyələşmə xərclərində ciddi artım qeydə alınıb.

Plat.az xəbər verir ki, bankın maliyyə hesabatlarına əsasən, sentyabrın 30-na aktivləri ötən ilin sonu ilə müqayisədə 27,3% artaraq 1 milyard 8,9 milyon manata çatıb.

Bu dövrdə bankın kredit portfeli 20,5% artaraq 563,2 milyon manata, qiymətli kağızlara investisiyaları isə 2,1 dəfə artaraq 116,1 milyon manata yüksəlib.

Bankın depozit portfeli 19,5% artaraq 630,7 milyon manat təşkil edib. Bununla yanaşı, digər kredit təşkilatları və maliyyə institutları qarşısında öhdəlikləri 78,8% artaraq 219 milyon manata çatıb.

Beləliklə, bankın maliyyələşmə strukturunda digər maliyyə institutlarından cəlb olunan vəsaitlərin payı yüksəlib.

Mənfəət və zərər hesabatına əsasən, bankın 2026-cı ilin yanvar–sentyabr aylarında faiz xərcləri ötən ilin eyni dövrü ilə müqayisədə 131,7% artaraq 19,4 milyon manata çatıb. Faiz gəlirləri isə 39,1% artaraq 51,8 milyon manat təşkil edib.

Faiz xərclərinin gəlirlərdən daha sürətlə artmasına baxmayaraq, bankın ehtiyat ayırmalarından əvvəlki əməliyyat mənfəəti 32,2% artaraq 18,7 milyon manata yüksəlib.

Bankın xalis mənfəəti isə 19,9% artaraq 9,2 milyon manat təşkil edib.

Hesabat dövrünün sonunda bankın cəmi öhdəlikləri 872,5 milyon manat, kapitalı isə 136,4 milyon manat olub.

Beləliklə, bankın maliyyə göstəriciləri aktivlərin, kreditləşmənin və mənfəətin artdığını, eyni zamanda maliyyələşmə xərclərinin daha sürətlə yüksəldiyini göstərir.

Paylaş:

Ən son xəbərlər