Gözdən əlilliyi olan şəxslərin iştirakı ilə Qızıl Qaya şadlıq sarayında keçirilən tədbir xoşagəlməz hadisə ilə yadda qalıb. Tədbir iştirakçılarına təqdim olunan ət yeməklərinin keyfiyyətsiz və iylənmiş olduğu iddia edilir.
Məclis iştirakçılarından biri bununla bağlı sosial şəbəkədə video paylaşıb. Videogörüntüdə idda olunur ki, restoranın banket zalında keçirən məclis zamanı onlara təqdim olunan yeməklər keyfiyyətsiz ətdən və toyuqdan hazırlanıb. Bu səbəbdən də 40-a yaxın şəxs zəhərlənib.
Zərərçəkənlər hadisənin hərtərəfli araşdırılmasını, zəhərlənməyə səbəb olan amillərin müəyyənləşdirilməsini və təqsirli şəxslər barəsində qanunamüvafiq tədbirlər görülməsini istəyirlər.