Şəki Apellyasiya Məhkəməsində ehtiyatsızlıqdan zərərçəkmiş şəxsin ölümünə səbəb olmaqda təqsirləndirilən Mübariz Sultanovun barəsindəki hökmdən verilən apellyasiya şikayəti üzrə məhkəmə prosesi başa çatıb.
Pravda.az-ın əldə etdiyi məlumata görə, sonuncu keçirilən prosesdə qərar elan edilib.
Qərara əsasən, zərərçəkmiş şəxsin apellyasiya şikayəti təmin edilməyib.
Qeyd: İstintaqla müəyyən edilib ki, 1973-cü il təvəllüdlü Mübariz Sultanov qisas niyyəti ilə cəzalandırmaq məqsədilə 2021-ci il dekabrın 24-də gecə vaxtı Qəbələ rayonunun Böyük Əmilli kənd sakini, 1975-ci il təvəllüdlü Bəxtiyar Salahovu yaşadığı evə kimi izləyib. Sonra sərxoş vəziyyətdə olan Bəxtiyar Salahov həyətə daxil olub. Mübariz Sultanov bundan istifadə edərək dəhrə ilə ona xəsarətlər yetirib. Nəticədə Bəxtiyar Salahov növbəti gün həmin xəsarətlərdən müalicə aldığı xəstəxanada ölüb.