Binəqədi Rayon Məhkəməsində qəsdən sağlamlığa yüngül zərər vurmada təqsirləndirilən Nadir Lətifovun (adı, soyadı şərtidir) cinayət işi üzrə məhkəmə prosesi başa çatıb.
Pravda.az-ın əldə etdiyi məlumata görə, sonuncu keçirilən prosesdə qərar elan edilib.
Məhkəmənin hökmü ilə ona 1000 manat miqdarda cərimə cəzası təyin edilib.
İttihama görə, Nadir Lətifov bu il saat 23 radələrində Binəqədi rayonu ərazisində yerləşən yaşadığı fərdi evdə həyat yoldaşı, zərərçəkmiş Fəridə Lətifova (adı, soyadı şərtidir) ilə münaqişə yaradıb. Mnaqişə ər-arvad arasında şəxsi münasibətlərin pozulması nəticəsində yaranıb və hadisə qısqanclıq zəminində baş verib.